Edukira salto egin | Salto egin nabigazioara

Eraikuntzarako Enkofratuak eta Aldamioak

Gure izaera

Pertsonen alde egiten dugu, gure enpresa proiektuarekin konpromisoa eta inplikazioa lortzeko funtsezkoak baitira: prestakuntza duten eta etengabe prestatzen ari diren profesionalak. Gure identitate zigilua da. Espiritu horrek lantalde handi bat sortzea ahalbidetu digu, gure bezeroek, gure hornitzaileek eta guk geuk osatutakoa. Bakarrik horrela lortu ditzakegu helburu komunak eta egon gaitezke beti prest erronka berriei aurre egiteko.

Gure lantaldeko zati dira, eta erritmoa eta jarraitu beharreko bidea markatzen dute. Haiei esker gara garen modukoak. Gure giltzarri dira, ULMAren eta bezeroaren artean prozesu osoan dagoen konplizitateak proiektu bakoitzaren arrakasta markatzen du.

Erabat konprometituta gaude gizartearekin, pertsonekin eta ingurumenarekin. Iraunkortasun irizpideekin jarduten dugu eta Gizarte Erantzukizun Korporatiboaren printzipioak geure egiten ditugu. Horregatik, gure irabazien %10 interes publikoko helburu sozialetarako erabiltzen ditugu. Bokaziozko zerbait da, gure nortasunean, gure printzipioetan eta gure kulturan dagoen zerbait.

EES ULMAn

Etorkizunari begira gaude, denok jomuga berarekin: gure bezeroen arrakasta marraztea. ULMA proiektua indartzeko lanean jarraitzen dugu; merkatu guztietan hazteko estrategia bat dugu eta mundu osoko proiektu estrategikoen aldeko apustu egiten dugu. Horretarako lagungarri ditugu garatzen ari garen proiektu berriak eta prozesuetan eta zerbitzuetan egiten ari garen hobekuntzak. Gure proposamena irudimentsua eta efizientea da, eta bere asmoa da gure bezeroei helburuak lortzen laguntzea. Horrekin, etorkizunari gogotsu egiten diogu aurre, gure nortasun bereziaren ezaugarriak eta zehaztasunak ematen dizkiguten balioei eta filosofiari eutsita.

ULMA Taldeko kideak gara, Espainiako iparraldean dagoen enpresa talde handienetako bateko kidea, eta MONDRAGON Korporazioko kideak ere bai.

ULMA Taldea zortzi kooperatibek osatzen dute eta honako sektoretan jarduten dute: Architectural Solutions, Agrícola, Carretillas Elevadoras, Construction, Conveyor Components, Handling System, Packaging eta Piping.

1961az geroztik merkatu global batean ari gara jardunean eta horrek gure esperientzia eta gure zerbitzuen kalitatea bermatzen du.

Jardunean daramatzagun 50etik gorako urteek erakutsi digute etengabeko berrikuntza eta etengabeko ikaskuntza ezinbestekoak direla. Malguak eta berritzaileak gara, eta badakigu sektorean etengabe gertatzen ari diren aldaketetara egokitzen.