Edukira salto egin | Salto egin nabigazioara

Ekipo ugari Portugalgo abiadura handiko linearen lehen zatia eraikitzeko

2022/04/26
Trenbide Plan Nazionalaren barruan, Evora-Elvas 80 km-ko linea izango da Portugalgo abiadura handiko linearen lehen zatia, merkantziak eta bidaiariak garraiatzeko erabiliko dena.

Trenbide zati hori proiektu zabalago baten zatia da, Hegoaldeko Korridore Internazionalaren zatia, alegia. Korridore horrek Elvas eta Sinesko portua lotuko ditu, herrialdeak Europarekin dituen konexioak hobetzeko.

‘Infraestruturas de Portugal’ izeneko enpresa publikoak gidatzen ditu obrak, eta obra horietan bost trenbide zatietako lautan parte hartzen ari gara hainbat eraikuntza enpresaren eskutik, esaterako, MotaEngil, MADONU, Constructora São José, Teixeira Duarte, Sacyr, COMSA, Fergrupo eta FCM enpresaren eskutik.

  • Freixo - Alandroal zatia: 20,5 km
  • Evora iparraldea - Freixo zatia: 20,5 km
  • Evora - Evora iparraldea zatia: 10 km
  • Alandroal - Linha do Leste zatia: 38,5 km

Freixo - Alandroal zatiak 10 biaduktu eta 16 gaineko pasabide ditu. Ekipo ugari hornitzeaz gain, errentagarritasuna segurtasunaren eskutik joan da.  Dagozkien taulak eraikitzeko 20.000 m³ OC zinbria hornitu dira, eta 4.000 m² inguru ENKOFORM enkofratu. 3.600 m² ORMA enkofratu jarri genituen, eta pilare eta zapatetarako 10 enkofratu multzo, ENKOFORM eta ORMA enkofratuak konbinatuz, bai eta 280 metro eskailera eta 10.500 m² BRIO aldamio ere.

Proiektu honen tamaina dela-eta beharrezkoa izan da tonaka ekipo hornitzea, ingeniaritzako soluzioak ematea eta obrako parte hartzaile guztien artean etengabeko komunikazioa egotea

Alandroal - Linha do leste zatian zurkaizte edo apeo sistemak eta enkofratuak jarri behar izan ditugu hiru biaduktutarako, 10 azpiko pasabideak eta hormako enkofratua 13 biaduktutarako: 25.000 m³ T-500 zinbria, kontsolak eta profilak, 1.000 m² inguru ENKOFORM enkofratu eta 3.800 m² ORMA enkofratu.

Ez galdu eraikuntza-proiektu ikusgarri honen bideoa: egin klik hemen eta gozatu irudi ikusgarriez.

Gonçalo Gonçalves - Obrako burua, MotaEngil João Castro - Obra zuzendaria, Madonu Grupo

“Proiektua oso konplexua izan da, eta ULMAko ekipoa oso eraginkorra izan da, erantzuteko gaitasunari, ekipoen hornikuntzari eta ingeniaritzako irtenbideak eta laguntza teknikoa emateari dagokienez. Gainera, epeak betetzea ez ezik segurtasunez betetzea ere bermatzen dute. Guretzat enpresa fidagarria da eta proiektu guztian gure ondoan dago”.

"ULMAk talde oso profesionala du, prozesu osoan eta proiektu osoan zehar lagundu digute: obraren azterketan, muntaian eta zuzendaritzan. Proposatu dizkiguten irtenbideak errentagarriak izan dira. Segurtasunez lan egitea ahalbidetzen digute eta ekipoak berrerabiltzea egingo ditugun bidezubi ezberdinetan".