Edukira salto egin | Salto egin nabigazioara

Guadiana nazioarteko zubiaren birmoldaketa

2021/03/22
Guadiana ibaiaren gaineko Nazioarteko Zubiak Espainia eta Portugal lotzen ditu, Ayamonte eta Vila Real de Santo Antonio herrien artean. 666 metroko eraikuntza, bost baotan banatua, Jose Luis Cancio Martins eta Teixeira Duarte arkitektoek hormigoi armatuan eta altzairuan egindakoa. 1991tik, Iberiar Penintsula osatzen duten bi herrialdeen arteko batasunaren ikur bihurtu da.

Interes turistiko handiko eremuen artean dagoen eta trafiko ugari jasaten duen azpiegitura denez  birmoldaketa integraleko plan bat garatu da. Planak lan hauek hartzen ditu bere baitan, besteak beste: zubiaren tenkatze sistema birgaitzea, egiturazko elementuak mantentzeko lanak, askotariko ekipamenduak birgaitzea eta taularen zoladura bituminosoa.

ULMAk 460 tona aldamio eta enkofratu jarri ditu Guadiana ibaiaren gaineko nazioarteko zubia birgaitzeko lanak egiteko. Askotariko jarduketak egin behar izan direnez eta ekipoak ugari erabili behar izan direnez, ezin hobeto koordinatu behar izan dira proiektuko parte hartzaile guztiak.

Tiranteak birgaitzeko lanak egiteko, 100 m-ko altuerako pilonoak BRIO norabide anitzeko aldamioarekin estali dira, eta maila guztietara iristeko eskailerak instalatu dira. Aldamioaren diseinua pilonoen geometriara eta pilonoetan dauden tenkatze kableetara egokitu da, eta, horrez gain, segurtasunez lan egiteko lekuak eratu dira. Horri gehitu behar zaizkio haizeak eragin handia duen eremu batean muntatzeak dakartzan zailtasunak.

ULMAk azkar eta eraginkortasunez erantzun die proiektuaren eskakizunik garrantzitsuenei:

  • Material ugaria hornitu behar zen, pilonoak aldi berean birgaituko baitziren.
  • Birgaitze lanak egin ahal izateko eta Portugal eta Espainia artean trafikoa eten gabe zirkulatu ahal izateko, babes portiko bana sortu da bi pilareetan, oso leku txikian. Portiko horiek, lekua mugatzeaz gain, aldamio egituren kargak jasan behar izan dituzte. Hori izan da, hain zuzen, T-500 karga handiko zinbria dorreak eta karga ertainekoak profil metalikoekin eta ENKOFORMekin konbinatuta erabiltzeko arrazoia.

Informazio gehiagorako, ikusi bideoa.